歐鎧淳捱眼瞓落水為軒仔獻第一次

歌手張敬軒日前半夜時分在空中泳池為新歌《不同班同學》拍MV，邀得6位不同年齡的演員參與，其中一位更是近期人氣爆燈的女子游泳好手歐鎧淳，首次拍MV的她濕身為軒仔獻上「第一次」！MV演員都以校服Look示人，代表無論身處人生任何階段，仍要每天學習，眾人又跳入水中不斷向前游，寓意無論遇上多大阻力都要向前衝，故「淳淳BB」可一展泳術，演繹出水芙蓉！

毛巾侍候

對於邀得「淳淳BB」擔任女主角，軒仔十分開心：「繼《風起了》之後，今次再有靚女做女主角，導演咁識為我MV謀福利，真係好唔話得！唔止有美人登場，Stephanie（歐鎧淳）仲施展高超泳術，令冇乜運動細胞嘅我分外期待！我都好多謝佢半夜咁凍都落水幫我。」現場所見，軒仔不時以手機在泳池邊拍照，每當「淳淳BB」上水，他又會體貼地遞上大毛巾，工作人員不禁笑他似小助理。

軒仔在池邊Standby，為淳淳BB拍照及遞毛巾。

歐鎧淳、張敬軒

再着校服

而「淳淳BB」自爆向來有聽軒仔的歌，她笑說：「身邊有朋友更加係超級粉絲，不過今次只係我第二次見真人，所以都有少少緊張！」雖然首次拍MV，但她表示拍攝時只是做回泳手，毫無難度：「反而係事隔6年再着校服感覺陌生，好彩冇肥到！」軒仔對她捱眼瞓拍攝感到歉意，原來她平日晚上9時半便休息，清晨5時即起身集訓，為養足精神，她在拍攝前特地小睡了一會。軒仔又大讚「淳淳BB」感覺正面兼充滿陽光氣息：「透過呢個MV，我最希望宣揚佢向住標桿直跑，就算遇到挫敗，都會為理想拚搏嘅精神！」

文：音樂組