鄭中基終極加場全靠朱咪咪

鄭中基將於農曆年三十晚(17年1月27日)起假紅館舉行《鄭中基PLAY IT AGAIN世界巡迴演唱會》,因演唱會反應熱烈,加開一場後依然一票難求,昨日大會應歌迷要求宣布加開1月30日(年初三)最後一場,一共連開四場。

鄭中基為答謝歌迷,特拍短片公布喜訊,其中他又鳴謝前輩朱咪咪,他說:「因為我演唱會之後緊貼年初七開騷嘅咪咪姐,所以一直都落實唔到加場,但後嚟得咪咪姐幫手,依家搞掂晒,好在有咪咪姐,否則都唔知點算好。」