姚書軼碟碟清肥10磅

由模界轉戰飲食界的姚書軼（Mikki），與數名友人合資逾千萬港元，在銅鑼灣開設高檔私房菜，餐廳佔地六千多呎，分為大、中、小三房，並設有酒窖讓客人存酒。問為何轉攻飲食界，她說：「我哋幾個合夥人每人都做唔同範疇，發現嘢食好味、環境好又私隱度高嘅餐廳唔多。（怕畀人偷拍？）我唔怕，其實做生意嘅人仲想要私隱度。」

單身較自在

餐廳試業三個多月，已吸引不少有頭有面的顧客，包括騰訊老闆馬化騰、關之琳、章子怡及劉嘉玲等，而Mikki亦邀請了名模好友馬詩慧、琦琦、洪華及老公黃國榮（Sunny）等「試味」，她自爆短短兩個月便肥了十多磅：「我真係每碟都食晒，後來發現咁樣唔掂，依家只可以食一啖！」餐廳主打中菜，但以西式形式上菜，當中22頭乾鮑、芝士龍蝦麵及避風塘大海蝦等，每道菜都真材實料。

Mikki首次做老闆自然事事親力親為，由裝修、布置至傢俬都一手包辦：「每盞燈、鏡連廁所嘅牆紙都係我揀o架！」問會否忙到冇時間拍拖，她慨嘆：「拍拖仲辛苦過創業，要維繫感情好辛苦，工作都話你付出多啲，就會有多啲收穫。」她坦言不乏追求者，可惜自己是「炮仗型」女友，對着另一半會發脾氣及易躁底，有時對方不理解她，她又懶得解釋，故認為單身較好。

因試食而暴肥的姚書軼，現已不敢「碟碟清」。	餐廳設有豪華大房及酒窖。	放大圖片

服裝：iijin

名：名人組