郭思琳甩拖 前度數完又箍煲

藝人郭思琳與吳雲甫昨日於中環出席慈善跑活動，思琳早前於ViuTV《G-1格鬥會挑戰賽》贏得金腰帶，她透露賽後繼續練習巴西柔術及泰拳，又坦言賽後獲得三、四套電影邀約，但同時與相戀一年的圈外會計師男友甩拖。分手一個月的她自認太專注工作而忽略另一半，問是否因男方想結婚而分手？她說：「佢有講過我係佢結婚對象，但我工作愈來愈多。」至於是否和平分手？她自爆攤牌時被對方投訴，其後對方亦曾打算箍煲：「唔係好和平，佢係咁投訴我，但之後有追番我。（有第三者？）冇。」她表示下次拍拖會盡量找明白自己行業的男友，至於會否揀圈內人，她說：「搵個返朝九晚五嘅，反而容易夾時間見面。」