范振鋒九間剩一間 撤出飲食界

藝人范振鋒（阿范）算是圈中的飲食達人，先後開設多間餐廳食肆，包括台式飲品店、火鍋、茶餐廳、西餐、日式料理等，將生意搞得有聲有色。不過昨日與太太李思欣、可嵐、劉威煌等出席日本料理開幕活動時，就透露本身有份投資的9間餐廳，有６間退股，有２間執笠，現時只剩下位於天后的潮州餐廳：「好多餐廳都冇做，之前股東有啲事要退出公司，要求退股，好似話都搞唔掂。（蝕好多？）做生意有賺有蝕嘅。」問到是否不敢再跟人合股，在旁的思欣就指做藝人很難兼顧，更被市道太差而被嚇怕。

阿范圈中人緣甚廣，譚詠麟（右）亦曾出席其餐廳開幕禮。	阿范曾經開過火鍋店。	可嵐

遇人不淑被騙

其後阿范再接受東網訪問時，表示進軍飲食界已有8、9年，前前後後都開過9間餐廳，而大部分都是跟拍檔合股，但可惜有部分因意見不合而退股：「有啲其實就係紅股嚟嘅，我就幫手宣傳嘅部分，不過愈多人就愈難搞，有時發現理念唔同好難做落去，做得好嘅自己就冇時間理，所以最後都冇做落去。」他又指自己是演藝界出身，不夠飲食界行內人熟行情，加上做藝人都比較難同時兼顧生意。至於問到是否蝕好多錢，阿范直言試過在荃灣一保齡球場地，同幾位朋友搞茶餐廳時遇人不淑：「都蝕咗成6位數，係承包形式做茶餐廳，聽人講好易做，講到條數好靚，話做10萬就回到本，點知做到90萬都仲蝕緊。」問到可有被嚇怕時，他坦言經一事長一智，日後都要小心為上。現時會先暫停餐飲業生意，專心做幕前及幕後的工作，因公司最近都簽了一批新人，忙着搞內地合拍電影，笑言賺到錢就會投資落本地電影。問到日後可會重投餐飲業，阿范表示要選擇專業的拍檔。

可嵐生意慘淡

另外，同場的可嵐就表示最近自己經營獨立唱片公司，但生意慘淡，幸好有開班教小朋友唱歌幫補。可嵐指五歲半的囝囝參加校際朗誦節，更對上次兒子比賽時，自己有工作在身而未能出席感到內疚。

文、攝：音樂組