擸刀靠嚇 欣宜唔慣做粗人
歌手鄭欣宜昨日出席戶外音樂會時透露，最近忙拍劇集《老表，畢業喇！》，笑指角色很粗魯：「要成日鬧人、又要攞紅油同刀威脅人，我呢啲斯文人唔慣，所以好辛苦。」她表示劇中跟岑麗香、郭晉安、蔡少芬等多對手戲，坦言最初入廠很緊張：「因為真係由細睇佢哋嘅戲大，但佢哋好Nice，又成日話我Funny，所以冇壓力。」
講到好友香香結婚，欣宜笑言要恭喜自己：「因為守咗秘密好耐，好辛苦，佢幾個月前已經同我講，成日見佢同未婚夫強強Send Message甜笑，我又唔可以公開笑佢，依家終於可以公開恭喜佢。」又表示已攞假期出席香香的婚禮，但不會做姊妹。