陳法蓉：我行得正企得正!
前港姐陳法蓉與梁小冰日前為一件外套掀罵戰，獲袁詠儀力撐的小冰大讚對方是「袁女俠」，並以曱甴形容陳法蓉！昨晚陳法蓉出席東華慈善騷時直言問心無愧，有證人證明自己，並說事件已過去不想再糾纏。
梁小冰、陳法蓉的「慧妍」風波近日成為熱話，小冰發表「曱甴論」若見到對方會掉頭走，同時宣布退出慧妍雅集，不過，小冰獲同屆港姐袁詠儀（靚靚）出言力撐，令小冰大為感激，昨日她說：「諗住成個禮拜以一敵十打到對方粉身碎骨，依家收兵走人，點知突然空降『袁子彈』，嘩！對方一定灰飛煙滅喇……袁女俠無懈可擊，佢係俠女心腸，路見不平，拔刀相助！最了解我性情嘅人亦都係佢。感激在心中。」但她笑言這張「王牌」今次用了實在浪費：「由始至終我唔想拉任何一位朋友落水替我出頭，對付呢隻曱甴，太浪費呢張『王牌』，仲諗住留到九十歲先用！」又說日後不再回應有關提問。
翟威廉劈冰手都腫
至於陳法蓉昨晚出席無綫慈善騷《歡樂滿東華2016》，頒贈支票後她受訪時表示，睇新聞得知小冰退會，對於被小冰形容為曱甴，她說：「多謝關心，我已經同在場人士講清楚，我冇不禮貌對待任何人，件事過去就由得佢過去，我有證人證明我冇做啲唔應該做嘅嘢。（袁詠儀暗示你係雙面人？）我行得正企得正，問心無愧！（可惜小冰退會？）都試過有人因為小事被誤解而唔開心，畀着自己都會唔開心。（再見不是朋友？）活在當下，將來嘅事將來先算。」
昨晚節目中，翟威廉頂上受傷的伍允龍演出，與洪天明劈木箱、砂煲及冰，劈到手臂紅腫，天明事後直認感痛楚，講到伍允龍傷勢，他說：「我係偷雞王，會試過力度先，佢劈舊冰真係爛得好靚，但就劈到骨裂。（見到佢傷咗都怯？）冇，之前冇試過，係正式先劈落去。」昨晚與男子羽毛球冠軍伍家朗表演「慈善孖住打」的李克勤透露，日前與太太盧淑儀到日本旅行慶祝結婚十周年，問到會否再追BB？克勤即說唔使：「唔好咒我，冇時間、冇錢。」
文：影視組