盧頌之佗B女產前排期結婚

現年26歲藝人盧頌之(DaDa Lo)與男友趙勁皓拍拖三年感情穩定,據知,盧頌之懷有身孕五個月快將榮升媽媽。記者聯絡上趙勁皓,他直認女友懷孕:「係呀,DaDa有咗五個月,係B女嚟嘅。(預計之內?)大家一直有共識,雖然早前我未有真正咁向佢求婚,諗住生咗先結婚,但依家諗住生之前入紙排期結婚。」問到會否追多個仔?他笑說:「其實第一胎都諗住係仔,當然女都會好鍾意,仲追唔追就順其自然啦!依家養一個小朋友好貴。」至於產後DaDa會否退出幕前做少奶奶?他說:「佢都想繼續工作,我十二月尾會開一間食店,會畀DaDa全權負責打理。」對於早前女友懷孕期間在家被飼養的狗仔咬傷,他表示事件只屬意外,小朋友出世後都會繼續養,不會捨棄牠們。