唐貝詩沙灘瑜伽 正！
寇鴻萍女兒唐貝詩（Lydia）向來熱衷運動，無論是水上活動還是滑雪都冇難度！近年她迷上做瑜伽，室內、室外去到沙灘都要做，既有助身體健康，亦能保持身材苗條及修飾線條。Lydia自去年年初開始學瑜伽，現時不少高難度動作可以應付自如，她說：「我覺得做瑜伽嘅感覺好輕鬆，有時做到一個好高難度嘅動作，會好有成功感，我好鍾意挑戰。其實我身體唔係特別柔軟，係腰位比較柔軟，其他手腳比較硬，所以要多鍛煉。」
Lydia稱無論工作多忙，每星期也會做一次瑜伽，認為最重要是持之以恒，就能有所收穫：「我以前細個唔鍾意做熱身同拉筋，因為覺得好悶，但依家發覺拉筋對身體好好，例如老人家腰痠骨痛，做多啲拉筋會有幫助，有個女人好出名，佢八、九十歲依然有做瑜伽，身體好健康。」
