瑪莉亞晒幼腿被踢爆改圖

美國樂壇天后瑪莉亞卡里(Mariah Carey)於感恩節上載四出為大餐作準備的照片,力證自己貼地一面。不過她始終不願意作「平民打扮」,戴晒黑超想低調現身超市,同時又穿綁帶超Deep V上衣拋半球引人注意,但有眼利網民發現她改圖做「人工美人」,其「纖幼」雙腿後面的廚櫃位置明顯因P圖而搞到線條歪晒,上身膊位更見騎呢,真係好冇誠意。

另外,瑪莉亞上月與富豪未婚夫帕克(James Packer)分手,但其真人騷《Mariah's World》中仍未刪去試婚紗及籌備婚禮的鏡頭。