黃浩然有團火等上位

主力於電視圈發展的藝人黃浩然最近「重返影壇」,於講述母子情的電影《大手牽小手》首度擔正,並與金像影后鮑起靜合作。當他獲悉與鮑姐合演母子,片酬也沒有多問便答應演出!片中一場於酒樓內以甩漏歌聲獻唱,以完成鮑姐最後心願的戲,他說:「除咗演員爆喊,工作人員都感染到流晒眼淚。」

浩然大讚鮑姐戲裏戲外均很友善,令他全無壓力投入角色:「開工兩日我哋已經有晒默契,鮑姐好為食,雖然戲最後交代佢應該瘦嘅,但出埠拍戲佢乜都食,肥咗好多,不過,大家出埠都好開心。」電視圈機會多,但要再上一級,浩然承認困難:「等時機啦,如果依家冇晒火就驚啫,雖然同期有好多已經好紅,但呢行係未死都有機會嘛!」

場地:權八 

髮型:D.Y.@ Hair Corner