許廷鏗合照原則 :睇吓個樣

歌手許廷鏗(Alfred)昨日出席「欣賞服務日」,他透露入行後學會禮貌:「依家覺得禮貌好緊要,有時講句唔該、多謝會令人舒服啲,入行後真係禮貌咗,會多啲同人點頭,尤其有歌手身份更加要做足啲。」他承認曾與的士司機有拗撬,Alfred說:「因為去唔到我要嘅目的地,要我喺前一個街口落車,所以有少少唔愉快。」

問到如坐飛機有空姐要求合照會否答應?Alfred說:「睇吓個樣衰唔衰,如果唔太攰都會影,有時載口罩唔係因為唔想畀人認得,而係真係唔舒服,不過都有人會體諒。(有冇試過唔影合照畀人鬧?)都試過,會覺得我扮嘢。」