ReVe起舞 向古天樂致敬

由劉瑞祈(Kay)及陳子華(Cavan)組成的男子跳唱組合ReVe,成員Kay早前因跳舞用力過度致右腳十字韌帶撕裂要入院,最近腳傷已康復的他頻頻跟Cavan練舞,日前更向古天樂致敬,將偶像16年前的作品《今期流行》重新排舞,拍成《今期再流行》,並將短片上載網上,不少網民指ReVe的舞技比古天樂更好。

昨日Kay在電話中被讚跳得好,他連聲多謝:「我哋係因為覺得《今期流行》呢期好hit,咁咪重新編排啲舞玩吓囉,其實古天樂係我同家姐嘅偶像,古天樂所有電影我都有買飛捧場,自己最鍾意嘅歌係古天樂嘅《男朋友》。」

ReVe由於入行日子尚淺,故未有機會見古天樂真人,問可想約古天樂一齊現場鬥舞?Kay說:「梗係想啦,但唔知有冇機會,最求之不得係可以同古天樂合作拍戲。」