裕美學識唔Chur愛人
藝人裕美和狄易達等昨日出席餐廳開幕，提到好友王君馨宣布與圈外男友結婚，裕美表示戥她高興：「我成日問佢11年感情點維繫？仲要異地戀，佢畀咗異地戀嘅人好好嘅見證！同埋我見佢哋可能每星期先至傾一次視像電話，係我就唔得喇。」
問裕美可會再婚？她說：「我以前太依賴人，但女士要識獨處，唔係Chur對方嘅愛，會乾嘅，當我成為更好嘅女仔，先值得更好嘅婚姻。」問到可有跟緋聞男友黃子恆聯絡？她坦言冇，不過知對方近況：「知佢好忙，希望佢生意好，最近喺台慶見過，（見面可會尷尬？）唔會，係好朋友。」