劉江叫呂慧儀一齊剝衫
藝人呂慧儀、歐陽震華（Bobby）、滕麗名、張頴康、張彥博及劉江等，早前去台灣環島遊，拍攝旅遊節目《一屋老友去旅行》。「寶氏一家」一行六人老、中、青齊齊去旅行，但網民的焦點都放在劉江身上，事關劉江雖然已經七十有三，但仍然玩得又搞笑，加上表情交足戲，令網民睇得非常開心！
自封「老鮮肉」
前晚他們第一站去食火鍋，不過重點不是食，而是那裏的侍應個個都是「小鮮肉」，劉江突然問甚麼是「小鮮肉」，還說：「我根本唔知咩係小鮮肉！」又問大家：「咁我可唔可以叫『老鮮肉』？」向來搞鬼的Bobby即回答：「應該叫『小臘肉』！」網民紛紛讚他有創意！
接着張彥博、呂慧儀及張頴康竟與73歲的劉江挑戰越野吉普車，穿越崎嶇山坡及河流大玩「飊山」、「飊水」，老當益壯的劉江先獨自挑戰，當駛過大山坡時，他以環迴立體低音大叫：「啊！」夠晒中氣！
片車玩濕身
可能劉江太厲害，張彥博決定改投陣營，丟低呂慧儀及張頴康，與劉江同車玩「飊水」，劉江還獻出從影以來最性感的演出，赤裸上身！落車之後，他竟然走過去叫呂慧儀一齊除衫，還說：「我係為你好(口架)，剝衫啦！」笑到張頴康忍不住說他們可以拍一套《淫賤老爺俏新抱》，網民即刻留言力讚話「好想睇呀」！
文：專案組