詹瑞文施鹹豬手 伍詠薇：我個胸扁喇
藝人詹瑞文、伍詠薇及林嘉華等昨日於觀塘綵排舞台劇《嬉春酒店》，詹Sir上演借位胸襲及挨實伍姑娘的戲份，女方一臉享受，更高呼被詹Sir「挨」到呼吸困難：「挨到我個胸扁喇！」問到正式演出會否真摸？詹Sir笑言玩即興，並大爆伍姑娘日前首次綵排緊張到「硬晒軚」，但經他指點後即脫胎換骨。伍姑娘笑言被對方點醒，又指已接受為期五日的地獄式肢體訓練。
問伍姑娘是否容許詹Sir假戲真摸？她笑說：「我睇觀眾反應，睇吓到時縮唔縮開，不過我多數唔縮！」問到伍姑娘老公會否晚晚捧場？她戲言會請男朋友到場：「老公應該要咁做，佢坐中間，我啲男朋友都會嚟，坐晒喺暗角。」詹Sir即說：「你啲男朋友嚟就應該多到包場。」
