25歲性感火辣女星Emily Ratajkowski日前在墨西哥度假時風騷賣大包，當眾半裸同陽光玩遊戲，豪晒兩點，任影唔嬲！
人氣模特兒Emily Ratajkowski向來作風豪放大膽，日前她與幾名友人到墨西哥名勝坎昆島度假時，就豁出去當眾半裸露兩點，任影唔嬲！Emily原本穿上一件頭泳衣現身，點知突然興起就捲下泳衣半裸大解放，剩下「高衩三角褲」，整個造型猶如相撲手一樣，十分搞笑。
上圍驚人的Emily一脫即令招牌雙峰傾巢而出，帶來極震撼的3D視覺效果，背面亦相當有睇頭，高衩造型露出圓渾靚股，吸睛指數爆燈！她也完全沒避忌，反而任由同行友人不停用手機狂影相，還不時睇番相片影得靚唔靚。未知是否見到Emily咁Relax，同行的女友人即使身材不及Emily，都一樣癮起要大解放，一齊騷胸曬太陽，三個同時在水中半裸Chok甫、以雙手掩胸拍照留念。
事後Emily在社交網上載自己背面半裸跳舞的片段，只見洶湧半球，但未敢太過分以正面半裸示人，網民紛紛留言求女神「華麗轉身」，希望可以大飽眼福。
文：外娛組