詹瑞文嫌伍姑娘大聲 寧願娶阿Sa
藝人詹瑞文和伍詠薇相識多年，最近合作舞台劇，齊齊現身《ontv東網電視》節目《娛樂onShow》，分享相識經過。詹Sir直指伍姑娘說話大聲，下世寧娶蔡卓妍（阿Sa）都不會考慮伍姑娘。
《ontv東網電視》節目《娛樂onShow》今次找來兩位玩得之人詹Sir和伍姑娘擔任嘉賓，接受主持李文珊訪問。提到兩人十年前已認識，詹Sir說：「當時我仲係兒童節目主持，有一次喺商場做司儀，伍姑娘就係嗰日嘅嘉賓。」活動後二人於升降機相遇，詹Sir大讚伍姑娘演技出眾，但卻換來伍姑娘的敷衍回應：「你嘅口才都幾好呀，畀心機啦。」雖然伍姑娘已忘記這番話，不過仍尷尬地向詹Sir道歉。
捉姦嘥太多心血
兩人今次合演舞台劇《嬉春酒店》，有激情出軌戲份。他們接受主持李文珊的《快問快答》挑戰，主持提出問題和提供兩個答案，他們需要第一時間選擇其中一個。第一個問題是二人寧願出軌還是捉姦？兩人異口同聲表示「出軌」，伍姑娘說：「捉姦好嘥心血，做人已經好多心血要嘥，仲要鋪排咁多嘢去查件事，好煩！」問到偷情會選擇公園還是後樓梯？他們都認為後樓梯最方便。
之後伍姑娘被問下世想嫁給譚詠麟還是詹Sir？她指雖然譚詠麟經常氹她開心，但對方不時出外工作，不可經常陪伴在側，而詹Sir給她幽默感覺，所以下世想嫁給詹Sir。詹Sir被問下世想娶阿Sa定伍姑娘？他不留情面地說：「令男人有覺好瞓，就係講嘢唔會咁大聲。佢（伍姑娘）講嘢確實好大聲！相比之下，娶阿Sa屋企會多啲寧靜。」想睇更多兩人的訪問內容，即刻上《ontv東網電視》，click入《娛樂onShow》睇啦。
髮型：miss 5
化妝：miss 5
服裝：IIJIN、Twist
場地：觀塘帝盛酒店
文：專案組