陳婉婷忍笑怕NG
無綫小花陳婉婷（Hebe）最近挑戰古裝喜劇《翻生武林》，飾爆笑版「小龍女」，同劇有搞笑高手楊詩敏（蝦頭）及泰臣（翟凱泰），二人為劇組製造無限笑料，Hebe亦笑言拍攝時要頻頻忍笑：「蝦頭同泰臣係我哋劇組嘅開心果，譬如有一場我哋要講口號，點知佢哋講講吓突然跳舞，好搞笑，所以我哋成日都要忍笑，費事NG咁多次。」
Hebe亦透露拍古裝劇的辛苦點滴：「天氣熱拍古裝劇外景特別辛苦，所以自己都有帶齊三寶，就係風扇仔、遮同冰水，咁就冇咁易中暑啦！Fans都好有心，不時留言叫我小心身體，仲親自整埋我喺劇中造型嘅公仔鼓勵我。」