罕有晒全家福 劉嘉玲姪仔星味濃

藝人劉嘉玲是圈中出名孝順女，近日她在上海為母親及胞弟慶祝生日，前日在微博上載全家幅，感謝所有親友出席為其母及弟慶生。她留言：「最敬愛的母親和親愛的弟弟：生日快樂！感謝所有親朋好友的到來和祝福！你們讓生日會更添歡樂和有紀念意義！」相中可見，老公梁朝偉亦有出席家庭聚會，在旁是較少見的劉嘉玲姪仔，不少網民大讚姪仔靚仔有型，而且星味十足，西裝骨骨非常搶鏡。原來劉嘉玲的姪仔名為劉兆恩，於英國讀大學，可謂才貌兼備。
劉嘉玲（左三）為母親（右三）及弟弟（左）慶祝生日，其姪仔（右）更被網民激讚靚仔有型。
劉嘉玲（左三）為母親（右三）及弟弟（左）慶祝生日，其姪仔（右）更被網民激讚靚仔有型。

獲邀入娛樂圈

嘉玲昨日接受本報電話訪問，笑言有好多人讚其姪仔顏值高：「真係好多人都咁講咁讚佢，亦都有多人游說我，話要簽我姪仔。我都覺得佢幾好，不過佢依家喺英國讀建築工程，佢好喜歡讀書，總之一切以學業為重，點都讀完書先再算。」

此外，劉嘉玲的名媛好友榮文蔚亦有到場祝賀，並在Instagram上載多張合照。其中一張偉仔的照片，有別以往迷人電眼chok樣甫士，反而瞪大雙眼，有網民都大讚偉仔非常之「萌」。

榮文蔚（右）有份出席生日派對。
  • 榮文蔚（右）有份出席生日派對。
偉仔瞪大雙眼，被網友讚可愛。
  • 偉仔瞪大雙眼，被網友讚可愛。