昆凌自爆患「多囊性卵巢症候群」急停造人大計，婦產科專科醫生余啟文指此症是賀爾蒙失調引起：「因為女性體內嘅男性同女性嘅賀爾蒙唔平衡，所以就有呢個病。」余醫生又指出幾個病徵：「婦女一般都係出現排卵少、月經亂、暗瘡多同埋皮膚差，其實有呢個病都係麻煩嘅。（點醫好？）只可以話去控制，都係開避孕藥同埋抗男性賀爾蒙嘅藥。（影響生育？）會難少少，可能要打排卵針幫手。」