歌手何雁詩昨日與朱咪咪出席活動，日前度過24歲生日的何雁詩自爆當晚飲到斷片，她說：「當晚好盡興，好多朋友一齊慶祝。（男朋友？）冇，圈內同圈外男性朋友。（醉得好勁？）唔知。」她透露當晚獨自回家：「第二日要去朋友度攞番啲電話同銀包。（有男仔送返屋企？）的士司機，記得有人掟我上車，我返到屋企撳門鐘嘈醒全家人。」日前在網誌透露左眼生眼挑針的何雁詩，被取笑生日當晚看到不潔東西引致，她大笑說：「唔係，可能床邊種咗盆新植物，棵植物有蟲搞到咁。」
