余文樂撩千嬅：未結婚就o趙咗你

余文樂及導演彭浩翔昨日為電影《春嬌救志明》齊集中環摩天輪，不用開工的楊千嬅亦專程到來，她透露今集未有太多床戲，但被阿樂踢爆將有制服誘惑場面，還笑指千嬅當回老本行幫人打針。不甘被爆料的千嬅即「投訴」阿樂與導演於片場經常講鹹濕話題：「我係有夫之婦唔會搭嘴，同埋我係有原因去做，唔係無端端（指制服誘惑）。」阿樂卻說：「留番畀你同老公啦，公器私用。」千嬅即「還擊」笑阿樂：「你人生好乾涸咩？有乜好人介紹畀佢。（你介紹？）佢嫌三嫌四！」而阿樂一再否認早前的緋聞，千嬅問：「周冬雨得唔得？你鍾意年紀大過你？」沒好氣的阿樂表示想找有安全感的異性，說罷即靠在千嬅肩膊上說：「睇你幾有安全感，見你結咗婚，唔係就o趙你！」