莊思敏韓國血拼乜褸都愛！

模特兒兼藝人莊思敏（Jacquelin）早前飛到韓國公幹六日，儘管工作有多忙，但作為愛美的女士，瘋狂濕平絕對是常識吧！Jacquelin忙裏偷閒兩日，到當地出名的旅遊區明洞與東大門血拼：「今季好興百褶裙，好多品牌都有出，我買咗唔同質料，好似絲質用料就最啱依家秋天着。」除了百褶裙，她又大量購入多款外套，包括棒球褸、孖襟大褸與皮褸等：「喺韓國已經忍唔住着新衫！嗰度啲衫又平又靚，仲好貼近潮流。」