落選港姐朱盈盈昨日為「香港婚紗暨結婚博覽2016」的Amazes Wedding 2016 F/W擔任模特兒，首次走婚紗騷的她，谷胸上陣，性感優雅！她透露穿婚紗令她有結婚生子的衝動，問到現在可有拍拖？她說：「有人想同我一齊，但我要睇下先，睇下佢等唔等我。（等你咩？）有時拍戲一拍成個月，冇咁多時間陪佢。（對方係圈外人？）係圈外人，但其實我想搵圈內人，因為覺得會明白我感受。」
