唔怪得要買大屋！李亞男諗住生6個
李亞男昨日到理工大學出席婚姻關係講座，分享與老公王祖藍的相處點滴，她透露為求有圓滿婚姻，婚前曾跟老公約見輔導醫生。「男藍戀」踏入第7年，對於「七年之癢」，亞男坦言曾有憂慮：「曾經諗過會點，原來都係咁，大家會多啲溝通同禱告，我學習緊唔好同對方冷戰。」她坦言二人日常少有爭吵，但難免會冷戰，問到因何事冷戰？她說：「通常都係小事，我鬼妹仔性格吖嘛！有時會講錯嘢，最緊要係講Sorry同唔好記仇，諗番當初點解會一齊。」
向鍾嘉欣取經
談及生B大計，她笑言目前仍享受二人世界，而老公亦忙於新劇《老表，畢業喇！》，她說：「嚟緊計劃兩個人住，老公好好買定愛巢，但等佢忙埋《老表3》都要明年，嚟緊3個月都會喺香港，多咗時間煮飯畀佢食。（密密探班防小三？）講笑啫！我哋好信任對方，佢都忙到冇時間啦！而且大家都會避免同異性單獨相處。」
談及好姊妹鍾嘉欣產後閃電回港，亞男計劃下月返加拿大探望家人時，順道向她偷師。問看到嘉欣幸福，會否心動想生B？亞男說：「會嘅，係遲早嘅事，依家都係想多啲二人世界先。（想生幾個？）2、4、6，總之係雙數，老公話擔心冷落中間嗰個，我都係第一次聽！」