Winkie心儀大隻仔
有份清潔海灘的還有前亞姐呂晶晶與歌手黎美言（Winkie），Winkie透露已是第二次參與活動，粉絲也有一同參加：「個灘比想像中多垃圾，而且好多大型垃圾分解唔到，我哋住市區嘅人，真係唔知情況咁嚴重。」首次參與活動的呂晶晶則大讚有意義，亦不覺得辛苦，她表示平日也很注重環保：「做運動都會自備水樽！我住嘅屋苑有垃圾分類箱，不過有啲唔係好知點分類。」
問到會否選擇「環保男」做男友？Winkie笑言最好愛環保又愛運動，而且要有肌肉，更直指同場的徐肇平不錯，笑言要介紹給呂晶晶！呂晶晶即笑說：「你都好需要，我冇咁需要。（傳翻撻無綫藝人黃嘉樂？）我冇男友，係朋友，我哋冇同居，依家係單身。」Winkie則自爆身邊不乏追求者，但未有適合人選。