陳凱琳激光矯視囉囉攣
前港姐陳凱琳昨日到馬鞍山出席慈善跑活動，陳爸爸陪伴女兒出席並充當御用攝影師。她僅為慈善跑進行起步禮，但未有落場跑步，原來隨後要接受激光矯視手術。
陳凱琳說：「今日跑唔到，要去做眼科手術，自己近視都幾深，有成四百幾度。（嘉穎陪你？）佢唔喺香港，去咗大陸做電影宣傳，有Daddy陪我。（做激光矯視擔唔擔心有風險？）都幾擔心，考慮咗好耐，但係拍劇長時間戴隱形眼鏡對眼好攰。（嘉穎擔唔擔心？）都好多人做過，科技又咁昌明，所以佢唔係好擔心，叫我做完手術要休息多啲，唔好掛住撳手機。（會唔會去探男友班？）唔會，做完手術都要休息，睇吓開劇前可唔可以去到個短途旅行。」
