一吋長一吋強 羅霖越cup胸贏Clara
51歲「美魔女」羅霖與有「全球第二美女」之稱的韓國女星李成敏（Clara）前晚同場出席晚宴，兩人均以低胸裙上陣，大鬥性感，34C羅霖谷行湯碗胸及三吋事業線，越cup挑戰D cup Clara，終於「一吋長一吋強」，胸贏31歲的Clara！同場的江美儀身穿黑喱士透視裙，拖着男友吳君祥現身。
羅霖將於1月開拍無綫劇集《深宮計》，故趁這兩個月盡情去玩及工作，她剛剛去完新加坡及日本旅行，12月再與囝囝出門。她在新劇中演奸角，故要勤練演技，日日在廁所內練習：「演奸角要靠眼神去表達，囝囝嫌我喺廁所太耐！」她承認有些壓力，特別是考慮接不接拍之時：「反而有啲擔心記性，自己年紀唔細，又生過三個，記性會冇咁好，我要食多啲嘢去補腦！」
點打都要保靚樣
Clara近期頻頻來港，她直認廣東話難學，但即場拋廣東話「你好，我係Clara」及「唔該」，她自爆周圍跟人學：「喺餐廳，有時係朋友教。（有冇教你講粗口？）冇，教我嘅都好人。」稍後她將接拍一部內地動作片，正努力學習武打。之前她有份演出的電影《使徒行者》計劃開拍續集，問她有否興趣演出？Clara坦言愛拍動作片，若能參與是她的榮幸。對於香港有格鬥真人騷節目，問有否興趣演出？她說：「有機會嘅話，我都想參加。（唔驚畀人打傷塊面？）會打面？我要拍戲，我要顧住個樣喎！」
文：名人組