姚子羚Ready晒戰績
姚子羚昨日凌晨拍廠景時得知同劇的展鵬意外受傷，談到《同盟》打戲連場，可擔心自己中招？她笑說：「大吉利是！其實劇組都好擔心演員安全，但拍打戲我哋都有晒心理準備，我都踢到成腳瘀晒，因為唔識就力。（你晒腿要化腳妝？）要不停補妝，但呢啲都係開心嘅戰績！」問到開鏡拜神後是否需要再次拜神求安心？她說：「冇事嘅，小事！展鵬都OK o架喇，身經百戰。」
同劇另一演員陳山聰亦認為不用再拜神，明言即使做足準備，拍攝激烈場面始終有一定危險性：「有時真係太投入去咗忘我境界，但冇人想整親嘅。」在劇中將上演以一敵六的他，指武術指導是根據演員的能力而設計動作。