小學識起「朵」李蘊嗒「幼稚男」糖
今年25歲已為人母的李蘊，雖然離開校園八年，但對昔日的校園生活十分懷念：「人生得嗰十幾年喺校園生活，雖然讀書辛苦，但有時都好掛住嗰時啲同學、老師。我間幼稚園、小學都執咗，記得嗰時幼稚園讀下晝班，有次阿媽遲咗嚟接我，得番我同另一對孖仔同學，我係咁喊：『阿媽去咗邊？會唔會唔要我？』孖仔哥哥就畀咗糖我，嗰時我好單純，覺得呢個男仔係全世界最好！依家已經冇聯絡，想睇吓佢依家咩樣。」
小學生涯中，李蘊最難忘是認識了三位好友：「我哋稱自己做『四朵金花』，到依家都係好姊妹！雖然我搬咗去廣州，但每次返香港都會出嚟聚會。」中學最深刻則是跟教英文的麥老師成好朋友：「返學嗰陣唔係好熟，反而畢業時佢同我傾偈，大家傾到依家！以前喺香港每個月都食一、兩次飯，佢之後去咗加拿大，我哋都成日用WhatsApp聯絡，能夠同老師做到朋友係好難得。」
