展鵬 定欣情侶檔捧歌曲獎 粉絲大嗌：好襯呀！
被指拍劇撻着的陳展鵬與胡定欣，前晚在《2016勁歌金曲優秀選第二回》中，憑劇集《城寨英雄》的合唱歌《從未知道你最好》奪得歌曲獎，情侶檔殺入樂壇！二人上台時，粉絲不停大叫「好襯呀」，主持崔建邦亦抵死地問：「係咪有啲嘢要嚟嘅時候擋都擋唔住？」暗指二人「姻緣」到！展鵬即笑說：「你指邊方面先？（運氣方面。）都係嘅。」當定欣致謝時，展鵬問她：「你未多謝我喎！」定欣即Sweet爆說：「多謝展鵬！」公然打情罵俏！
完騷後，定欣在社交網上載與展鵬的合照，更hashtag寫道「#不如下次影張唔好咁正經#唔知我哋會唔會入到總選呢#票數高o架喎#開口中」，似乎想繼續情侶檔出席樂壇頒獎禮！
許廷鏗3獎大贏家
其他獎項方面，許廷鏗憑《你在我在》、《問天》及《我的志願》奪得3個歌曲獎，成為大贏家，但卻被衣着性感的鍾舒漫搶晒鏡，她以一身全黑魚網裝上陣，透出黑Bra之餘，更谷出「警鐘胸」，連身穿低胸裝的王灝兒（JW）亦被比下去！JW表示獎項方面不敢想太多：「幾首歌喺網上都有一定點擊率，已經係一個肯定！」此外，有傳陳柏宇殺入「叱咤男歌手」三甲，他表示做音樂並非為攞獎：「係自己先知自己有冇出力，2016年都算滿意，又開到演唱會。」
