利嘉兒趕尾班車追番個

藝人利嘉兒（Lily）、曹敏莉（Mandy）及前亞姐黎淑賢（Bonnie）、翁嘉穗與丈夫鄔友正等昨日出席慈善畫展活動，Lily自細喜歡畫畫，讀書時美術學科更是數一數二高分，她又鍾愛做手工：「前幾年我去做微型創作模型，一件蛋糕細過手指尾嘅指甲。我第一件作品係cake shop，嗰次係老公Bong生日，男人嘢好貴，我冇錢買，就用心思搭夠，嗰排佢仲話我成日去街，其實我係去上堂做模型，做完有好大滿足感！」

生仔湊仔極高難度

Bong會否想要BB作生日禮物？年屆42歲的Lily笑說：「要問佢先知。（你想唔想？）timing真係好衰，我後生時唔鍾意小朋友，覺得冇自由、又怕細路仔嘈，所以養狗仔。後來有諗吓人仔問題，又覺得自己年紀唔細，唔係隨時話有就有，所以順其自然啦！以我嘅年紀，如果生有少少難度，生完湊埋就係極高難度，不過未到更年期都仲有機會嘅。（林青霞都47歲生女！）佢天生麗質唔同啲，連子宮都勁啲。」

曹敏莉已佗B七個月，丘凱敏摸一摸她的大肚皮。	黎淑賢（右）特意捧搞慈善畫展的張寶華（左）場。	翁嘉穗、鄔友正恩愛到場。

Mandy已懷孕約7個月，母嬰狀況良好，她說B仔的英文名會用L字頭：「因為媽咪叫Lisa，之前個囝囝就跟爹哋Marco用M字頭。」其預產期將在12月底或明年1月初，現時仍未決定會剖腹還是自然分娩：「之前兩胎都係開刀，但今次暫時未定日子。」Mandy還高唱三個夠晒數，一對仔女已得知將有弟弟，她告訴子女今個聖誕最大的禮物就是有個細佬，令子女興奮又期待。

黎淑賢靠老公保靚樣

至於Bonnie的樣子與選亞姐時期變靚了，問到是否老公令她長期保持漂亮？她承認對方功勞好大，還說：「當然係佢嘅專業啦，我冇乜特別整，一日做3、4次面膜。（有冇微調？）botox我會打，最近我有做埋線，啲人覺得埋咁多線係塊面度好恐怖，我唔覺恐怖又唔覺得痛，老公一路做見我冇反應都話我變態，我忍受能力比較高。」已生四個孩子的她認為做美容微調毋須隱瞞，開刀整容就不敢嘗試。

文：名人組