余曉彤備戰格鬥 勝在夠狠！

早前鄧穎芝、唐紫睿及郭思琳等參加ViuTV真人騷節目《G1格鬥會》，一眾女將埋身堅打，場內的肉搏及場外口水戰同樣成為網民熱話，節目尾聲時，宣布運動型女藝人余曉彤下挑戰書，參與第二季賽事！

最近Hidy積極備戰，跟世界冠軍教練Daniel Charles Pereira學藝，本身有運動底又是潛水教練的Hidy極快上手，兩人示範多個MMA招數，Hidy見招拆招而且狠勁十足！Daniel大讚Hidy勤力，加上心肺功能好，對她奪冠信心十足：「佢日日練習，加上負重訓練，已經係專業級嘅鍛煉，要改進嘅係一啲地板技術，但相信夠時間。」

玩得預咗傷

Hidy直言學巴西柔術相當好玩，需要臨場變通，且有以小勝大的機會：「練MMA好多招數要記，每次學新招我都用簿寫低，重複練幾十次，記到成為身體反射。」作為挑戰者的Hidy直言輸蝕在其他對手有「作戰」經驗，自己要急起直追，但優點是可以針對不同對手作練習，直言跟上季參賽者大部分都認識，問到想跟誰對戰？她說：「對矮過自己嘅，我當然有着數，但又驚唔捨得打，當中同思琳識得耐啲，大家係同期Model，佢打得幾聰明，我想同佢打，我哋都話呢幾月要絕交呀！不過Daniel話佢打咗30年，每次都係對朋友，大家知道要盡力先對得住擂台同對手。（怕受傷？）依家都練到瘀晒，玩得就預咗傷。」

余曉彤獲教練睇好贏面大。	余曉彤講明盡全力，朋友都冇情講。	余曉彤見招拆招，成功箝制Daniel。

雖然已為人母，但Hidy直言沒有家庭負擔，家人及丈夫都非常支持：「開頭佢哋有驚訝，但知我真係想打，就好支持我，老公仲搵好多資料畀我，佢都係運動員，更加了解要全力以赴！」

髮型：Kel@amarone salon

場地：FFG Martial Arts& Fitness Center

文：立影　

攝：劉斌