陸浩明搵老婆本靠晒肥媽

圈中契母子的肥媽和陸浩明（6號）早前齊齊到澳門搵真銀，肥媽為代言的品牌做活動之餘，更帶挈契仔做活動司儀，6號笑言：「阿媽叫埋我去做司儀，等我搵多啲儲老婆本喎！」本身是澳門人的肥媽表示，今次為地道品牌代言，除價錢滿意外，也特別想為自己的地方出力：「之前少咗自由行話影響咗澳門經濟，不過今次我哋過去嗰邊，覺得市面上都好旺，人流多咗、熱鬧咗！其實自己都係澳門人，都好想幫自己地方做番啲嘢！」