龔嘉欣爆舊愛偷食即斬纜分手！
龔嘉欣在劇集《幕後玩家》中飾演人妻，更是首次做媽媽，劇中面對老公黃宗澤多次偷食選擇扮唔知，現實中她直言不會忍，更自爆曾發現男友偷食，對方不承認而決定慧劍斬情絲！
藝人龔嘉欣於無綫劇集《幕後玩家》中飾演黃宗澤（Bosco）的太太，劇中育有一個囡囡，首次飾演媽媽的她笑謂要比平時溫柔，談到劇中的Bosco多次背妻偷食，女友一籮籮，她的角色選擇「扮唔知」，龔嘉欣直認現實中曾有一段感情是男方出軌，但她未有大吵大鬧，只是選擇離開，她說：「有陣時係個天要畀你知，試過睇到一啲訊息，一睇就知男友同嗰個女仔關係唔係朋友咁簡單，連I Love You都有講，問佢，佢選擇唔認，咁我就選擇走！」記者多次追問該前男友及第三者是否圈中人？她即封口未肯透露，認為事件是令她成長的其中一個經歷！
「唔會扮唔知」
還未有結婚及生兒育女計劃的龔嘉欣，今次飾演媽媽卻有另一番體會，她說：「初初都驚(o架)，同小朋友拍戲係難，但呢個妹妹真係好乖，戲裏戲外佢都叫我做媽咪，好似一家人咁sweet！」談到Bosco劇中偷食，嘉欣謂若在婚姻中遇到這些事，必須雙方坐低慢慢傾：「我唔會扮唔知，亦唔會發難，結咗婚要顧慮嘅嘢多咗，仲要睇吓有冇小朋友，當然係會嬲，但都要了解發生咩事。」
「Dry到唇都裂」
單身幾年的她一直被催拍拖，雖然緋聞男友為數不少，但她表示只是新聞，又笑指自己「Dry到唇都裂。」但她未有急着找男友，只想專心工作，不想牽扯上任何人。
化妝：Sammy Lam@gardenia
髮型：Billy Lam@next salon
文：影視組