Supper Moment激光中練歌

樂隊Supper Moment日前到電台宣傳11月假會展舉行的演唱會，透露綵排進度良好：「10月純粹練熟啲歌，第一次咁早可以開始練歌，因為大嘅嘢都搞掂晒，所以大家係前所未有咁安樂！」他們表示排練時會關燈：「淨係用啲閃燈，閃住練歌，激光中咁！因為到時台上一定唔夠光，我哋想做番演出時嘅效果。」問到可有為歌迷準備驚喜？他們希望歌迷記得整個演出，而非只記得某部分，並笑言最大驚喜是沒有邀請嘉賓：「今次我哋好想做個一氣呵成嘅演出，好似成個故事咁有起承轉合，冇理由殺個嘉賓上嚟！」