鍾嘉欣回港兩日泵定26樽人奶

藝人鍾嘉欣、蔡卓妍及薛凱琪等昨晚出席公開活動，剛為人母的嘉欣笑言：「我順產，做媽媽好開心，最辛苦係第一個月，因為我係餵人奶，頭兩星期係辛苦啲，之後就了解佢，少咗扭計。初初佢係每個鐘都喊，要不斷餵人奶。我一手湊B，無請工人姐姐。」問到回港兩天準備了多少「存貨」給囡囡？她說：「我泵咗26樽100ml嘅奶。（餵人奶收身快？）好快呀，生之前肥咗35磅。（依家幾多磅？）仲差少少，但我覺得個啲係奶囉。」問到與無綫的合約何時到期？她說：「唔講得。」並坦言未能演《溏心風暴3》感可惜。