同門AGA李幸倪籲給予空間
歌手江海迦（AGA）與李幸倪（Gin Lee）昨日出席電視節目訪問，提到同公司的吳雨霏小產一事，二人指上月出席活動時見過Kary，但昨日看對方Instagram才得知此事，AGA說：「戥佢難過，知佢都好Strong，同老公互相扶持。」問到會否慰問對方，Gin表示現時應給予空間Kary，下次見面時會慰問她。
工作方面，AGA與Gin透露新歌將會推出劇場版及Remix版本，分別收錄在Gin將推出的專輯及AGA的演唱會DVD內。另外，Gin前晚與林奕匡出席動畫新片首映禮，講到Gin早前到馬來西亞為好友擔任伴娘，問到何時做新娘？她笑說：「有排都未到我啦！家姐都話唔得閒唔好諗結婚！（有冇睇中靚仔伴郎？）我唔睇靚仔，最緊要啱Feel。（鍾意有才華？）會加分。」