過來人陳慧琳：養好身子再接再厲
歌手陳慧琳（Kelly）昨日出席活動，曾於2011年經歷小產痛失孖女的她，提及吳雨霏承認小產一事，她表現愕然，之後寄語Kary說：「再接再厲，養好身子，聽醫生指示。（叫佢唔好灰心？）係，佢咁後生，我年紀咁大都得，你（Kary）得嘅。醫生話安全就再試，調理好身體，食多啲補品。睇完西醫睇中醫，我當時都係咁。唔好玩減肥，肥肥哋OK。」
囝囝封子丹做偶像
另外，Kelly透露將到細仔的學校演講「我的職業」，剪輯工作片段時，播放了自己於古裝片《江山美人》的片段給兒子看，令學打拳的大仔對她另眼相看，以為她武功高強。問到兒子是否封她為偶像？她卻踢爆大仔喜歡「宇宙最強」甄子丹。