城城秉承父志夢想開金行

天王郭富城昨日現身尖沙咀出席「Longines延續飛行傳奇」展覽，吸引大批途人圍觀，並走出馬路拍照，場面墟冚！大會向日前生日的城城送上特別版飛行腕錶，他興奮地介紹，指錶面微微傾斜，方便自己駕駛時直接看時間。曾在微博貼上與女友方媛十指緊扣照片而公開戀情的他，被記者笑指駕駛時要用手拖着女友，他即風騷地說：「唔係，手放喺軚盤度。成日整蠱我，好衰（口架）！」

二哥遭劫匪槍殺

城城透露專程從杭州回港，並正拍攝韓國綜藝節目《我們17歲》，在節目中完成他未做過的夢想。城城的父親生前打理金行，但其二哥早年於金行中遭劫匪槍殺，即使有如此慘痛的經歷，但城城對金行依然有情意結。他說：「我希望可以打理一間似我細個嗰陣，爸爸打理嘅金行，有呢個情懷。另外，我仲有揸車嘅夢想，做飛機師都係我其中一個夢想。」

拍廣告飛車

另外，提到他早前出動私伙林寶堅尼拍攝廣告，他坦言有點不捨得，但由於其跑車非常配合廣告，而且可以讓大眾欣賞其跑車，很有意義。他透露廣告中不乏飛車場面，還有一位為人熟悉的男主角，但城城為保神秘，不願透露其身份。

文：名人組