陳志雲上台最怕失聲
由藝人葉童及陳志雲主演、一連六場的舞台劇《莎士對比亞》前晚圓滿結束，台前幕後在騷後舉行慶功宴，葉童說：「上到舞台就覺得咁快過，捨唔捨得嘅感覺根本都未呈現出嚟，但有始有終，唔捨得都冇辦法。」陳志雲則說：「我係又唔捨得，但又鬆一口氣，因為一路演出我嘅喉嚨好敏感，驚冇咗把聲。」
問到日後可會在其他地方再演？陳志雲說：「有人請我哋先有得演，依家未有，可以嚟傾。」又表示休息一日後就會回電台工作，葉童則會先休息一星期，然後到內地工作。問到休息期間可會聯絡同父異母的哥哥李中寧？她說：「上次訪問完之後我都有諗佢會唔會嚟睇我演出，但唔知佢有冇嚟睇，我哋不嬲冇聯絡，唔知將來會唔會聯絡，或者有可能嘅。」