唐詩詠爭做茶水阿姐

藝人唐詩詠、組合艾粒成員阿占及當奴昨日於新蒲崗出席活動，詩詠即席示範沖奶茶，阿占笑稱沖茶的絲襪是由詩詠自備。剛拍畢新劇《不懂撒嬌的女人》的詩詠，自爆是劇組的「茶水阿姐」：「我哋3點3就會叫蛋撻、奶茶、生果嚟食，我夠鐘就冇電，冇嘢食就做唔到嘢，我會請大家食嘢。（多咗時間陪男友洪永城？）嚟緊要準備台慶，佢去咗旅行！（唔一齊去？）12月開新清裝劇《天命》，聖誕新年都要開工，新年可能會喺橫店過。（叫男友探班？）好少希望有人探班，做嘢要專注。」