周柏豪爆示愛短訊DayDay有

無綫新劇《使徒行者2》昨日在電視城舉行開鏡典禮，劇中演員周柏豪、苗僑偉、陳豪及宣萱等都有亮相。周柏豪早前被女粉絲在社交網站示愛兼「逼婚」，他指事件已發生近一年，至最近才被網民發現並成為熱話，他說：「我都記得對方嚟過我啲活動，係比較沉默嘅人，唔想愈搞愈大，亦唔知對方嘅精神狀況。」隨即自爆其實每日都收到數十個瘋狂粉絲的示愛私訊：「話好愛我、想嫁畀我，又有啲學生會內閣或者朋友結婚，都會叫我拍片支持。」他表示不會干涉今次的事件，認為該粉絲沒有實際騷擾他，事件只屬網民熱話，並非網上欺凌。

苗僑偉最Like「音樂廁所」

至於苗僑偉與宣萱擔任劇中男、女主角，苗僑偉在台上笑稱在泰國取景時見到有冷氣、播音樂又整潔的流動廁所，感到非常新奇，宣萱笑說：「如果深圳外景都有就好啦！」她又表示只看過頭幾集的劇本，二人會有感情線，但暫時未知是否有親熱鏡頭。提到她在過往的劇集常做人質，今次是否有苗僑偉英雄救美？飾演退休臥底的她說：「唔知，可能我救番佢呢！睇完頭幾集劇本，啲角色複雜，我有少少亂！」還透露未有自訂休息時間，以免其他演員為了遷就她而更辛苦。

《使徒行者2》昨日舉行開鏡典禮，眾演員舉杯預祝拍攝順利。	糖妹（圖）及陳煒悉心打扮，各具美態。	陳煒

苗僑偉早前到泰國拍外景，問到是否有飛車鏡頭？他說：「都在所難免，不過泰國啲景好特別，有啲香港冇！」並透露太太亦有飛往當地，見到飛車場面亦未有嚇親，因為過分危險的動作會由特技人完成。

陳豪演Chok爆殺手

此外，飾演大反派的陳豪笑指角色專門殺人，但奸得來像企業家，他笑說：「企喺度Chok就得！」談到《來自喵喵星的妳》收視平平，他坦言成績與預期有出入，但期望觀眾接下來可以看得投入。至於談到好友鍾嘉欣返港，他從記者口中得知嘉欣沒有帶BB回港後說：「明智，BB咁細唔適宜坐長途機。」又想約對方食飯分享湊仔貼士。

文：影視組