結婚兩個月 張名雅報喜
前港姐冠軍張名雅今年9月與律師老公Joe舉行婚宴，由於籌備婚禮至結婚過程相當迅速，當時大家都懷疑她有喜，但她沒有承認。個多月前，她與老公到蘇梅島旅行時，更穿上三點式大騷身材，半點肚腩也沒有！正當大家將她有喜之嫌拋諸腦後時，名雅昨日在微博上載與老公打扮成「孖寶兄弟」角色Luigi的照片，並留言：「Where's mario？in mommy's tummy！」宣布佗住「Mario」，似暗示腹中是B仔！
性別賣關子
名雅昨日接受本報記者訪問時直認有喜，但未有透露懷孕多久，她說：「準備結婚嗰陣，我哋都有共識想早啲生，咁樣冇代溝。（婚前已不設防？）都可以咁講嘅，總之我哋認定咗大家已經有呢個計劃啦！唯一可以講嘅係，我老公好勁，一擊即中！（即係結婚嗰陣已經有咗？）我經期一向都準，係選港姐嗰陣有3個月冇嚟，唔知係咪因為緊張。搞婚禮嗰排好忙，唔知係咪咁所以遲咗，但忙婚禮所以冇發現！」問到腹中BB是仔或女，她說：「未有咁快知呀！（喺香港生？）我喺溫哥華返嚟，可能會喺溫哥華生，暫時未決定。」
