張穎琪睇中余文樂Encore心跳情節

年僅20歲的模特兒張穎琪（Angus）是IVE學生，但已有五年兼職模特兒經驗，鏡頭前形象似「性感小野貓」，不笑時樣子帶點惡，實則個性活潑可愛！

初戀無限Hurt

Angus自認興趣只有三分鐘熱度，凡事愛玩愛挑戰，對於感情卻非常認真，不希望隨便換男友。爽朗的她拒做「貼身膏藥」，雖然初戀男友偷食令她Hurt爆，Angus卻未有因此改變拍拖態度：「始終覺得都應該有自己圈子，唔想拍拖太大壓力，同我一齊應該幾舒服，我唔會管佢。」問到擇偶條件，Angus喜歡皮膚白淨及有腹肌的男士，雖然口口聲聲不愛靚仔，但數到圈中最欣賞男星卻立即對型男余文樂「心心眼」，她說：「覺得佢好Man，最近睇佢同周冬雨嘅內地真人騷《我們相愛吧》，好Sweet呀！例如佢用牙膏喺鏡畫心心，有好多浪漫事！（想同樂仔拍親熱戲？）唔使嘅，見吓都好，或者重演節目做過嘅嘢。」

Angus冧爆余文樂的英氣，最想同對方上演浪漫情節！

張穎琪自評身材只得60分，最Like雙腿又瘦又長。

自評身材60分

身材弗爆的Angus擁有22吋蛇腰，卻自評身材只得60分，要求非常高，她說：「以前最肥有110磅，依家90磅，但天生有胃腩，肚上仲有層小脂肪，所以要繼續努力！食嘢少食多餐，多蔬果少澱粉質，每晚都做Sit Up。（最滿意邊部分？）腳吖，腳形算靚同瘦，好似幾長咁，平日經常拉筋有幫助。」擁C Cup上圍的她透露曾戴矯形胸圍及用豐胸膏，但笑言已過了發育時期，認為現在的Size已夠用。

Profile

姓名：張穎琪（Angus）

年齡：20歲

身高：1米65　體重：43kg

三圍：32C、22、34

簡介：仍是學生的Angus擔任兼職模特兒五年，曾參與nowTV訪談節目、任網台客席主持及動漫節Game Girl。

文：立影

攝：劉斌