麥長青：買葱會搭棵菜

（左起）：滕麗名、江美儀、麥長青、陳浚霆

江美儀爆顧紀筠請飲幾萬蚊支酒

江美儀踢爆顧紀筠為了兒子陳浚霆，請他們食飯當交學費：「爭麥包未請。之前我同顧老闆各自去東京旅行，咁啱撞到，佢就帶咗我去名貴餐廳，開支酒都要幾皮嘢，大戶人家真係唔同啲。」陳浚霆即笑稱：「所以嗰個月我哋都係食粥，燈都唔敢開。」滕麗名亦指曾在餐廳遇上顧紀筠，對方更幫她埋單：「嗰餐都幾甘，冇7千都8千。」並指陳浚霆自費買車仔及幫手推物品，麥長青笑指下次做節目，最好搵富二代做拍檔。

麥長青等客串做小販，吸引不少街坊圍觀。

江美儀笑言試食生果都食到飽。