男友冇經濟Support 趙哲妤狂搲奶粉錢

未婚懷孕的藝人趙哲妤昨日出席素食自助餐店開幕禮，懷孕七個多月的她表示懷孕周期快將踏入30周，預計產前一個月就開始停工。問到近日密密工作，是否努力賺奶粉錢？她說：「係呀！其實我本身都慳家，食嘢又唔使貴，但BB嘢就唔敢慳，已經母愛氾濫。（有咗之後多咗工作？）依家多錢少錢嘅工作都會接。」她表示男友有苦衷，所以未能在經濟上支持她，但若撐不住亦會向男友「求助」。
趙哲妤指男友不提供經濟支持，惟有密密接Job賺錢養B。
趙哲妤指男友不提供經濟支持，惟有密密接Job賺錢養B。

同場的歌手可嵐帶同五歲半兒子尤俊亮相，她透露近日忙於為兒子選小學：「見咗五間，但有三間已經話唔收，仲等緊另外兩間。冇諗過學位咁緊張，可能出生率真係好高，其實我都有搵教會牧師幫手寫推薦信，但都唔得！」她坦言已習慣獨自照顧小孩，問到會否為兒子添個弟妹？她笑說：「睇埋佢入學先，同埋都要睇吓搵唔搵到如意郎君。」

可嵐帶同兒子出席活動，工作亦不忘享天倫樂。
  • 可嵐帶同兒子出席活動，工作亦不忘享天倫樂。