藝人伍詠薇昨日出席舞台劇《嬉春酒店2016》宣傳，期間與詹瑞文、賴慰玲等大跳近期熱爆網絡的PPAP舞步，扭身扭勢的伍姑娘最為投入，她表示去年曾演同一劇目十場，今次再捲土重來，但角色方面將大兜亂。
談到劇情講述出軌，問到有否擔心令人聯想起早前其老公練海棠疑似偷食事件？伍姑娘謂：「傻傻哋，丈夫係家事，都解決咗，唔係我就single出嚟開記者會講咗！其實我喺亞視都演過唔少出軌，所以呢方面都熟能生巧。」
