陳鍵鋒秘戀圈中人冇下文
藝人陳鍵鋒日前接受有線娛樂新聞訪問時，自爆曾與圈中人秘密拍拖：「知道嘅人好少，當時真係冇諗過公開！做藝人返工已經赤裸裸畀大眾知晒，兩個人嘅事當然希望低調。」問到日後會否秘婚，他說：「可能㗎！我係突然黐起條筋乜都會做嘅人！」他自言本身性格太小心，特別感情上更不敢張揚：「以前朋友間總覺得馬國明最內斂，但我覺得自己先係收得最埋！」
他又自爆有日突然向林峯、吳卓羲及馬國明等Say Sorry：「以前黃毛小子把口唔叻，又唔識表達，造成種種誤會，諗番都覺得遺憾！」早已離巢無綫的他，現時經常在橫店與吳卓羲及林峯等碰頭，總算補償到兄弟情。